Həyata keçirdiyi KSM layihələri ilə hər zaman fərqlənən PAŞA Sığorta şirkəti bu yolda addımlamağa davam edir. Bu məqsədlə PAŞA Sığorta DOST Agentliyi ilə əməkdaşlıq sazişi imzalayıb.
Sığortalı Azərbaycan xəbər verir ki, PAŞA Sığorta “Könüllü DOST” proqramının 5 illiyinə həsr olunan “İnkluzivlik ayı” layihəsinin baş sponsorudur. Layihənin məqsədi autizm və daun sindromlu gənclərin, o cümlədən görmə qabiliyyəti məhdud olan şəxslərin cəmiyyətə inteqrasiyası, onların asudə vaxtlarının səmərəli keçirilməsinin təmin edilməsidir. Azərbaycan Respublikası Prezidenti İlham Əliyevin Sərəncamı ilə təsdiq edilmiş 2022-2026-cı illərdə ölkəmizin sosial-iqtisadi inkişaf Strategiyasının icrası ilə bağlı həyata keçirilən “İnklüzivlik ayı” layihəsi bir neçə ay uğurla davam etmişdir.
Layihə çərçivəsində həyata keçirilən “Yaşıl dünya naminə!” həftəsində Daun Sindromlu Şəxslərin Reabilitasiya Mərkəzinin benefisiarları və Könüllü DOSTların iştirakı ilə masterklasslar həyata keçirilmişdir. Həmçinin, görmə qabiliyyəti məhdud uşaqların toxunaraq hiss edəcəyi xüsusi «eko-terapiya» da reallaşmışdır.
“Yaradıcı düşüncələr” həftəsində xüsusi qayğıya ehtiyacı olan şəxslərin hazırladıqları keramika işləri və rəsm əsərləri layihənin qala gecəsində satışa çıxarılmışdır.
Bağlanış mərasimində “İnklüzivlik ayı” layihəsi çərçivəsində hazırlanmış işlərdən ibarət sərgi ilə tanışlıq olmuş, daun sindromlu gənclərin “Rockabilly dance” rəqs nömrələri, “Danceability” inklüziv rəqs performansı təqdim olunmuş, daun və autizmli gənclərinin iştirakı ilə “Adaptiv moda” gecəsi keçirilmişdir.
Hazırda qeyri-həyat sığortası üzrə bazar payına görə lider olan PAŞA Sığorta şirkəti 2006-cı ildən etibarən fəaliyyət göstəririr. “PAŞA Holding” qrupunun üzvü olan “PAŞA Sığorta” 700.000-ə yaxın korporativ və fərdi müştərisinə könüllü və icbari sığorta növləri üzrə 36-dan artıq xidmət göstərir. Şirkət kapitalının, sığorta yığımlarının, sığorta ödənişlərinin həcmi və digər göstəriciləri ilə sığorta bazarının lider və ən böyük sığorta şirkətlərindəndir.
Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur
Sigorta Medya Türkiye – www.sigortamedya.com.tr
Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.
