PAŞA Sığortanın müştəriləri üçün keçirdiyi “Şansı və Sığortalı” lotereyası uğurla başa çatıb və qaliblər elan olunub. Lotereyanın əsas uduşu olan Toyota CH-R avtomobili öz sahibini tapıb.
Bundan əlavə, lotereya çərçivəsində müxtəlif dəyərli hədiyyələr oynanılıb:
- 5 ədəd elektron əşyalar mağazasından 500 AZN dəyərində hədiyyə kuponu;
- 3 ədəd 1000 AZN dəyərində səyahət vauçeri;
- 3 nəfər Apple Watch Series 9 GPS;
- 3 ədəd Apple iPhone 15 Pro Max;
- 2 ədəd MacBook Air 13.6.
Ümumilkdə, 17 nəfər qalib müxtəlif hədiyyələr qazanıb. Qaliblərin siyahısı ilə linkdən tanış ola bilərsiniz: https://cutt.ly/Ce7fAn7K
24 noyabr – 24 yanvar tarixlərini əhatə edən lotereyanın uduş fondu elektron püşkatma üsulu ilə xüsusi kompüter proqramı vasitəsilə oynanılıb və “PASHA Insurance” YouTube kanalında və Instagram səhifəsində canlı yayımlanıb. Qaliblərin siyahısı Azərbaycan qazetində nəşr edilib, həmçinin PAŞA Sığortanın rəsmi vebsaytında yerləşdirilib. Həmçinin qalib şəxslər qazandığı hədiyyələr ilə bağlı SMS məlumatlandırma alıblar.
Qeyd edək ki, lotereya PAŞA Sığortadan daşınmaz əmlakın könüllü sığortası, avtomobillərin könüllü sığortası və könüllü tibbi sığorta məhsullarını əldə edən və müəyyən məbləğdə sığorta haqqı ödəyən müştəriləri üçün (hüquqi şəxslər istisna olmaqla) nəzərdə tutulmuşdu. Hər 99 AZN sığorta haqqı ödəyən müştəri lotereyada 1 iştirak şansı qazanırdı.
Hazırda qeyri-həyat sığorta sektorunun lideri olan PAŞA Sığorta şirkəti 2006-cı ildən fəaliyyət göstərir. “PAŞA Holding” qrupunun üzvü olan PAŞA Sığorta 700.000-ə yaxın korporativ və fərdi müştərisinə 36 növ könüllü və icbari sığorta üzrə xidmət göstərir. “S&P Global Ratings” beynəlxalq reytinq agentliyi “PAŞA Sığorta” ASC-nin emitentin uzunmüddətli kredit reytinqini və maliyyə dayanıqlılığı reytinqini “BB+”, reytinq üzrə proqnozu isə “Müsbət” səviyyəsində təsdiqləyib. Şirkət kapitalının, sığorta yığımlarının, sığorta ödənişlərinin həcmi və digər göstəriciləri ilə sığorta bazarının lider və ən böyük sığorta şirkətlərindəndir.
Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur
Sigorta Medya Türkiye – www.sigortamedya.com.tr
Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.
