Güclü təbiət hadisələri ilə bağlı daxil olan müraciətlər araşdırılır
Sığortalı Azərbaycan xəbər verir ki, son günlər ölkənin müxtəlif bölgələrində baş verən əlverişsiz hava şəraiti nəticəsində təsərrüfatlara və əkin sahələrinə dəyən zərərlərlə bağlı Aqrar Sığorta Fondu na (ASF) çoxsaylı müraciətlər daxil olub.
Ən çox zərər müraciətləri Şəki-Zaqatala, Qarabağ, Şirvan-Salyan, Dağlıq Şirvan və Qazax-Tovuz iqtisadi rayonlarını əhatə edir. Əkin sahələri üzrə ən çox müraciət isə Şəki-Zaqatala və Şirvan-Salyan regionlarından daxil olub.
ASF-yə daxil olan müraciətlər ümumilikdə 53 min hektar əkin sahəsini əhatə edən sığorta müqavilələri ilə bağlıdır. Bu sahələrin 52 min hektarını taxıl əkinləri – əsasən buğda və arpa sahələri təşkil edir.
Zərər müraciətləri alma, armud, badam, ərik, fındıq, gilas, nar, nektarin, pambıq, qoz və şaftalı bağlarını da əhatə edir.
Ən çox qeydə alınan hadisələr
Məlumata görə, müraciətlərin böyük hissəsi sel və subasma, çayların daşması nəticəsində yaranan daşqınlar, fırtına, qasırğa, dolu və üçüncü şəxslərin hərəkətləri ilə bağlıdır.
Son həftə ərzində daxil olan müraciətlərin əsas hissəsini isə dolu, fırtına və qasırğa hadisələri təşkil edib.
Aqrar sığorta ekspertləri bölgələrdə fəaliyyət göstərir
Aqrar Sığorta Fondundan bildirilib ki, daxil olan bütün müraciətlər operativ şəkildə qeydiyyata alınır. Hadisələrin araşdırılması, ərazilərə baxış keçirilməsi və dəymiş zərərin hesablanması məqsədilə bölgələrə aqrar sığorta ekspertləri ezam olunur.
Hazırda ASF-nin bütün ekspertləri bölgələrdə təsərrüfatlara və əkin sahələrinə dəyən zərərlərin qiymətləndirilməsi istiqamətində fəaliyyət göstərirlər.
Sığorta ödənişləri qanunvericiliyə uyğun həyata keçiriləcək
Zərərin miqyası və hadisənin xarakteri nəzərə alınaraq fermerlərə sığorta ödənişlərinin verilməsi ilə bağlı müvafiq qərarlar qəbul ediləcək.
Sığortalı fermerlərə ödənişlər Azərbaycan Respublikasının qanunvericiliyinə uyğun qaydada həyata keçirilir.
Fermerlər aqrar sığorta məhsulları, sığorta haqları və şərtləri barədə ətraflı məlumatı Aqrar Sığorta Fondunun rəsmi internet səhifəsindən əldə edə bilərlər.
Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur
Sigorta Medya Türkiye – www.sigortamedya.com.tr
Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.
 çoxsaylı){kind=link}