Sığortalı Azərbaycan xəbər verir ki, İcbari Sığorta Bürosu (İSB) vətəndaş məmnuniyyətinin artırılması, xidmətlərin əlçatanlığının genişləndirilməsi və müraciətlərin daha operativ qəbul olunması məqsədilə xidmətlərini “ASAN xidmət” mərkəzlərində təqdim etməyə başlayır.
Bu məqsədlə Azərbaycan Respublikası Prezidentinin yanında Vətəndaşlara Xidmət və Sosial İnnovasiyalar üzrə Dövlət Agentliyinin 2 saylı Bakı “ASAN xidmət” mərkəzində İcbari Sığorta Bürosunun xüsusi xidmət pəncərəsi yaradılıb.
Bildirilib ki, 6 iyul tarixindən etibarən İcbari Sığorta Bürosuna ünvanlanan vətəndaş müraciətləri yalnız 2 saylı Bakı “ASAN xidmət” mərkəzində (Bakı şəhəri, 8 Noyabr prospekti 23, AMAY Ticarət Mərkəzinin 2-ci mərtəbəsi) fəaliyyət göstərən xidmət pəncərəsi vasitəsilə qəbul ediləcək.
Elektron xidmətlərdən istifadə imkanları genişlənir
İSB vətəndaşlara daha rahat xidmət göstərilməsi məqsədilə rəqəmsal həllərin tətbiqini davam etdirir. Vətəndaşlar qurumun rəsmi internet səhifəsində yerləşən “Şəxsi kabinet” və “Elektron xidmətlər” bölmələri vasitəsilə bir sıra xidmətlərdən onlayn şəkildə yararlana bilərlər.
Bundan əlavə, portalda yerləşdirilən “İcbari sığorta müqavilələrinin yoxlanılması” xidməti vasitəsilə icbari sığorta müqaviləsinin qüvvədə olub-olmadığını elektron qaydada yoxlamaq mümkündür.
İSB rəqəmsal xidmətləri inkişaf etdirməyə davam edəcək
İcbari Sığorta Bürosu bildirib ki, vətəndaşlara daha rahat, əlçatan və innovativ xidmətlərin təqdim olunması məqsədilə yeni rəqəmsal həllərin tətbiqi və xidmət şəbəkəsinin genişləndirilməsi istiqamətində fəaliyyət bundan sonra da davam etdiriləcək.
Müəllif Hüquqları:
Sığortalı Azərbaycan – “Sigorta Medya” nəşridir. Bütün hüquqlar qorunur. Platformamız vasitəsilə fərdi sığorta və korporativ sığorta növləri, o cümlədən həyat sığortası və könüllü pensiya sığortası haqqında ən son xəbərləri izləyə bilərsiniz. Regionun sığorta gündəmini izləmək üçün Sigorta Medya Türkiye səhifəsini də ziyarət edə bilərsiniz.
