Sığortalı Azərbaycan xəbər verir ki, PAŞA Həyat Sığorta ASC istehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta növü üzrə növbəti irihəcmli sığorta ödənişi həyata keçirib.
Məlumata görə, ölkənin aparıcı şirkətlərindən birində çalışan əməkdaş istehsalat zamanı baş vermiş bədbəxt hadisə nəticəsində xəsarət alıb. Hadisə nəticəsində sığortalının peşə əmək qabiliyyətinin 50 faizi itirilib.
Şirkətdən bildirilib ki, zərərçəkmiş şəxsin işlədiyi müəssisə ilə bağlanmış icbari sığorta müqaviləsinin şərtlərinə, eləcə də **”İstehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta üzrə birdəfəlik sığorta ödənişi məbləğinin hesablanması qaydası”**na uyğun olaraq sığortalıya 83 297 manat məbləğində birdəfəlik sığorta ödənişi həyata keçirilib.
İcbari istehsalat sığortasının əhəmiyyəti artır
İstehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta işçilərin sosial müdafiəsinin təmin edilməsində mühüm rol oynayır. Bu sığorta növü istehsalat zamanı baş verən risklərin maliyyə nəticələrinin azaldılmasına, zərərçəkmiş şəxslərin sosial təminatının gücləndirilməsinə və onların maddi itkilərinin qanunvericiliyə uyğun şəkildə kompensasiya olunmasına xidmət edir.
Müəllif Hüquqları:
Sığortalı Azərbaycan – “Sigorta Medya” nəşridir. Bütün hüquqlar qorunur. Platformamız vasitəsilə fərdi sığorta və korporativ sığorta növləri, o cümlədən həyat sığortası və könüllü pensiya sığortası haqqında ən son xəbərləri izləyə bilərsiniz. Regionun sığorta gündəmini izləmək üçün Sigorta Medya Türkiye səhifəsini də ziyarət edə bilərsiniz.
