Azərbaycan Sığortaçılar Assosiasiyası (ASA) BMT-nin uşaq əməyinin istismarına qarşı mübarizə təşəbbüsü çərçivəsində keçirdiyi xeyriyyə aksiyasını yekunlaşdırıb. Assosiasiyanın bu istiqamətdə təşkil etdiyi aksiya artıq altıncı ildir həyata keçirilir.
ASA-dan aztəminatlı ailələrin övladlarına dəstək
“Daha sağlam və sığortalı gələcək üçün” şüarı ilə keçirilən xeyriyyə aksiyası çərçivəsində məktəblilərə təhsil üçün zəruri ləvazimatlarla dəstək göstərilib.
Layihə çərçivəsində sığorta şirkətlərinin ianələri hesabına məktəbli ləvazimatları toplanıb, həmçinin sifariş əsasında məktəbli formaları hazırlanıb.
64 məktəbliyə məktəb ləvazimatları və forma təqdim olunub
Toplanan yardım aztəminatlı ailələrin, şəhid və qazi övladlarının, eləcə də uşaq sığınacaqlarında yaşayan məktəblilərin ehtiyaclarının qarşılanmasına yönəldilib.
Ümumilikdə 64 məktəbliyə məktəbli ləvazimatları və məktəbli formaları təqdim edilib.
Sığorta şirkətləri aksiyaya qoşulub
Xeyriyyə aksiyasına Azərbaycanın bir sıra sığorta şirkətləri dəstək verib. Aksiyada “A-Qroup Sığorta Şirkəti” ASC, “Azərbaycan Sənaye Sığorta” ASC, “Xalq Həyat” Sığorta ASC, “Xalq Sığorta” ASC, “Qala Həyat” Sığorta Şirkəti ASC, “Qala Sığorta” ASC, “Meqa Həyat” Sığorta ASC, “Meqa Sığorta” ASC, “PAŞA Həyat Sığorta” ASC və “PAŞA Sığorta” ASC iştirak edib.
ASA-nın təşəbbüsü sosial həssas qruplara aid uşaqların yeni tədris ilinə hazırlığına dəstək göstərməklə yanaşı, uşaq əməyinin qarşısının alınmasına yönəlmiş maarifləndirmə və sosial dəstək təşəbbüslərinin davam etdirilməsini də nəzərdə tutur.
Müəllif Hüquqları
Sığortalı Azərbaycan – “Sigorta Medya” nəşridir. Bütün hüquqlar qorunur. Platformamız vasitəsilə fərdi sığorta və korporativ sığorta növləri, o cümlədən həyat sığortası və könüllü pensiya sığortası haqqında ən son xəbərləri izləyə bilərsiniz. Regionun sığorta gündəmini izləmək üçün Sigorta Medya Türkiye səhifəsini də ziyarət edə bilərsiniz.
