Aqrar Sığorta Fondu bölgələrdə sığorta əməkdaşları üçün təlimlər keçirir

0
164
Aqrar Sığorta Fondu bölgələrdə sığorta əməkdaşları üçün təlimlər keçirir
Aqrar Sığorta Fondu bölgələrdə sığorta əməkdaşları üçün təlimlər keçirir

Sığortalı Azərbaycan xəbər berir ki, Aqrar Sığorta Fondu dövlət dəstəyi ilə tətbiq edilən aqrar sığorta mexanizmi barədə sığorta şirkətlərinin əməkdaşlarını məlumatlandırmaq məqsədilə Aqrar Sığorta Müştərək Sığorta Şirkətinə üzv olan Azərbaycan Sənaye Sığorta şirkətinin bölgələrdə fəaliyyət göstərən filial və nümayəndəliklərinin əməkdaşları üçün təlim keçirib.

Göyçay şəhərində keçirilən tədbirdə ASS-nın İdarə Heyətinin üzvü, Biznesin İnkişafı Departamentinin rəhbəri Fərid Abdurəhmanov və Aqrar Sığorta Müştərək Sığorta Şirkətinin Filial və vasitəçilərlə iş şöbəsinin müdiri Ramin İsmayılov iştirak edib.

Ramin İsmayılov tədbirdə aqrar sığorta mexanizmi, aqrar sığortanın əhatə etdiyi məhsullar, təminat verilən risklər, eləcə də Aqrar Sığorta Fondunun fəaliyyəti ilə bağlı geniş təqdimatla çıxış edib. Hazırda aqrar sığorta mexanizminin fermer və sahibkarlara 48 sığorta məhsulu və 29 risk üzrə təminat verdiyini diqqətə çatdırıb.

Təlimdə sığorta əməkdaşları aqrar sığorta mexanizminin əhatə etdiyi risklər, sığorta şərtləri, ayrı-ayrı məhsullar üzrə sığorta haqlarının hesablanması, hadisə baş verdikdə ödəniş verilməsi prosesi ilə bağlı suallar ünvanlayıblar. Müzakirələr zamanı məhsulların sığortalanması ilə bağlı çoxsaylı misallar göstərilib, aqrar sığorta və ödəniş prosesi real keyslər üzərindən izah edilib. Sənaye Sığorta Şirkətinin əməkdaşları da öz növbələrində daha səmərəli fəaliyyət üçün bir sıra təkliflər irəli sürüblər.

Xatırladaq ki, «Aqrar Sığorta Müştərək Sığorta Şirkəti» ASC Aqrar Sığorta Fondunun təşkilatçılığı ilə, ölkədə qeyri-həyat sığortası sahəsində fəaliyyət göstərən və ASC-nin fəaliyyətində iştirak etmək niyyətini bildirən 7 şirkət tərəfindən təsis edilib.

Bunlar – «Paşa Sığorta» ASC, «Qala Sığorta» ASC, «Meqa Sığorta» ASC, «Azərbaycan Sənaye Sığorta» ASC, «Xalq Sığorta» ASC, «AZSIĞORTA» ASC, «Bakı Sığorta» ASC şirkətləridir.

Bütün bölgələrdə filial və nümayəndəliklərə malik olan bu şirkətlər aqrar sığorta ilə bağlı müraciətlərin qəbulu və ilkin emalından sonra Aqrar Sığorta Fonduna yönləndirilməsində mühüm rol oynayırlar.

Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur

Sigorta Medya Türkiye – www.sigortamedya.com.tr

– Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.

BIR CAVAB BURAXIN

şərhinizi daxil edin!
Buraya adınızı daxil edin