Qaxda Aqrar Sığortanın faydası müzakirə edilib

0
422
Qaxda Aqrar Sığortanın faydası müzakirə edilib
Qaxda Aqrar Sığortanın faydası müzakirə edilib

Sığortalı Azərbaycan xəbər verir ki, son günlər dolu, güclü yağışlar və sel-subasma hallarının ən çox ziyan vurduğu yerlərdən biri Şəki-Zaqatala regionu, o cümlədən Qax rayonudur.

Aqrar Sığorta Fondu və Qax Rayon İcra Hakimiyyəti tərəfindən fermerlərlə keçirilən görüşdə fermer və təsərrüfatlara dəyən zərər və aqrar sığortanın faydası müzakirə edilib.

Qax Rayon İcra Hakimiyyətinin başçısı Musa Şəkiliyev bildirib ki, rayonun əksər kəndlərində taxıl, qarğıdalı, fındıq və digər təsərrüfatlara zərər dəyib, fermerlər böyük itki ilə üzləşiblər. Belə vəziyyətdə fermerlər dövlətin aqrar sığorta mexanizmindən faydalana bilərlər. Sığortalı fermerlərin sayının az olduğunu deyən Musa Şəkiliyev fermerlərini sığortadan faydalanmağa çağırıb.

Aqrar Sığorta Fondunun İdarə Heyətinin sədri Fuad Sadıqov təbiət hadisələri nəticəsinə fonda müraciətlərin artdığını bildirib. Əgər tam 2023-cü ildə sığorta hadisəsi üzrə Fonda 992 müraciət olmuşdusa, bu ilin ilk 5 ayında 50 rayondan 1200 müraciət olub.

Qax, Zaqatala və Balakən rayonlarından müraciətlərin olduğunu deyən Fond rəhbəri bildirib ki, fermerlər arasında əkin sahəsini sığorta etdirənlər azdır sığortasız fermerlərə ödəniş verilməyəcək.

Aqrar sığortada fermerlərə dəstək üçün sığorta haqqının 50%-ni dövlət ödəyir. Nəticədə fermerlər cüzi məbləğlə əkinlərini sığorta edə bilərlər: 1000 manatlıq buğda məhsulunun sığortalanması 20 manata, arpanın sığortası 24 manata, qarğıdalının sığortası 12 manata, fındığın sığortası isə cəmi 20 manata başa gəlir.

Tədbirdən sonra Aqrar Sığorta Fondunun sədri Qax rayonunun Güllük və Zaqatalanın Muxax kəndlərində doludan zərər çəkmiş təsərrüfatlarda olaraq əkinlərə baxıb və fermerlərlə söhbət edib. Güclü dolu Güllük kəndindəki qarğıdalı, taxıl və fındıq sahələrinə böyük zərər vurub. Zaqatalada isə təbiət hadisələri meyvə bağlarına zərər yetirib, ağacların bir qismi məhv olub, meyvələr yararsız hala düşüb. Məlum olub ki, təsərrüfatların böyük hissəsi sığortasız olduğuna görə, onlara sığorta ödənişinin verilməsi mümkün olmayacaq. Sığortalı əkin sahələrinə dəyən zərər isə bütünlüklə qarşılanacaq.

Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur

Sigorta Medya Türkiye – www.sigortamedya.com.tr

Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.

BIR CAVAB BURAXIN

şərhinizi daxil edin!
Buraya adınızı daxil edin